മധു. ബി
മധു. ബി

മധു. ബി

@madhu

സ്വദേശം തൃശൂർ ജില്ലയിലെ കുഴൂർ. കണക്കിലും മലയാളത്തിലും ബിരുദാനന്തര ബിരുദവും കണക്കിൽ ഡോക്ടറേറ്റും. കേരള ശാസ്ത സാഹിത്യ പരിഷത്തിനും ഡിസി ബുക്സിനും വേണ്ടി കണക്കുമായി ബന്ധപ്പെട്ട പുസ്തകങ്ങൾ എഴുതിയിട്ടുണ്ട്. ഇപ്പോൾ എൻ സി ഇ ആർ ടിയുടെ കീഴിലുള്ള മൈസൂരിലെ റീജിയണൽ ഇൻസ്റ്റിറ്റ്യൂട്ട് ഓഫ് എഡ്യൂക്കേഷനിൽ ഗണിതശാസ്ത്രത്തിൽ അസിസ്റ്റന്റ് പ്രൊഫസർ.


സ്വപ്നദംശനം

പുഴുവായെന്ന

സ്വപ്നം കണ്ടൊരു

തീവണ്ടി

ഇരുള്‍ തുരങ്കത്തില്‍

നിന്നിറങ്ങി

താഴ്വരയുടെ മുകളിലൂടെ

പറക്കുന്നു.


ഉറക്കത്തിലേക്ക്

വണ്ടി

കാത്തുകിടക്കുമെന്‍

കാല്‍ത്തണ്ടയില്‍

ഉമ്മ വെയ്ക്കുന്നു.


...

മഴയുടെ സ്കൂളിന് അവധിയുള്ള ഒരു ദിവസം

അടുത്ത വീട്ടിലെ റാങ്കുകാരിയുടെ

അടുക്കളയിൽ നിന്നും

അക്ഷരങ്ങൾ

വേവുന്ന മണം

പുറത്തെ മഴ നനയാതെ

കയറി വന്ന്

നാളെ പരീക്ഷയാണെന്ന്

പറഞ്ഞിട്ടു പോയി.


ഇപ്പോൾ

ജംഗ്ഷനിലെ 

മൊബൈൽ കടയിലെ

കറുത്ത ചുരിദാറിട്ട പെൺകുട്ടി

മഴയത്തേക്ക് കൈനീട്ടുന്നുണ്ടാകും.

എന്റെ പുസ്തകത്തിലെ

അക്ഷരങ്ങൾക്ക് 

തണുക്കുന്നു.

ഞാനവയ്ക്ക് മഴ കൊള്ളാതെ നിൽക്കാനൊരു

കുടിലു വരച്ചു കൊടുക്കുന്നു.

ആ കുടിലിന്

പ്രണയമെന്ന...