ജേതാവിന്റെ ചിരി

നിശ്ശബ്ദത ഒരു കാടാകുന്നു

ഓരോ ഒച്ചയും താഴിട്ടുവച്ച

മരങ്ങൾ നിറഞ്ഞ കാട്.

ഒന്നുതുറന്നു മറ്റൊന്നിലേക്ക്

കടക്കുമ്പോൾ കൂരിരുട്ടിൽ

ഒച്ചകളെ കോർത്തുവച്ചു

നിലാവ് പുതച്ചുറങ്ങുന്ന കാട്.

കൊളുത്തുകൾ മാറ്റി

ജാലകങ്ങൾ തുറന്നിടുമ്പോൾ

ഉള്ളിലേക്ക് ഇരച്ചു കയറി

സൂഷ്മാണുവെ തിരയുന്ന

വെളിച്ചമെന്ന വാക്കാകും

ചിലപ്പോൾ നിശ്ശബ്ദത.

അഴിച്ചുവച്ച വാക്കുകളുടെ

നഗരമാകെയുണരുന്നതേയുളളൂ

വഴിനിറയെ പ്രഭാത നടപ്പുകാർ

തെരുവരികിലെ ചായമക്കാനിയിൽ

തിളതിളച്ചുവരികയാണിപ്പകൽ

പഴയതാമൊരുസൈക്കിളിൽ രണ്ടുപേർ

എഴുപതു കഴിഞ്ഞുള്ളൊരാണും പെണ്ണും

ധൃതിപിടിയ്ക്കാതിറങ്ങി, കടുംചായ-

മധുരമായൂതിയൂതിക്കുടിയ്ക്കുന്നൂ

കടയിലാകെച്ചലച്ചിത്രഗാനമൊ-

ന്നധികശബ്ദമില്ലാതെ പരക്കുന്നു

അവളെയാദ്യമായ് കാണുന്നപോലയാൾ

തുടരെ, കണ്ണടച്ചില്ലൂടെ നോക്കുന്നു

പുറമെയാണെന്ന ലജ്ജയാലാവണം

തല തിരിച്ചവൾ ,കയ്യിലിരിക്കുന്ന

തൊലിപൊ...

കാമുകി മരിച്ചു പോയതിനു ശേഷം

ഒരിയ്ക്കലുമയാൾ

ഓഫീസിൽ നിന്ന്

നേരത്തേയിറങ്ങാറില്ല.

ഫയലുകളിൽ എഴുതിയ കുറിപ്പുകൾ

പ്രണയ ലേഖനമെന്ന പോലെ

പല കുറി വായിക്കും.

താഴുമായി കാത്തുനിൽക്കുന്ന

പ്യൂണിന്റെ മുഖം കറുക്കും വരെ

ചെയ്തു തീർത്ത പണികൾ

വീണ്ടും

വീണ്ടും

വീണ്ടും

നോക്കും.

ഒടുവില്‍

പുറത്തിറങ്ങുന്ന നേരത്ത്

ഒന്നിച്ചു നനഞ്ഞ വെയിലോർമ്മകൾ

പൊള്ളിക്കുമ്പോൾ

തണലു തേടി

പതിവു താവളത്തിലെത്തും.

മറ...

കണ്ണീര് കടലിരമ്പം തീർത്ത്

കുഴഞ്ഞു വീഴുന്ന വരാന്തകളിലേക്ക്

നിലയില്ലാതെ വീശുന്ന ഒരു-

ചുടു നിശ്വാസമുണ്ട്.

ജീവിതത്തിനും മരണത്തിനുമിടയ്ക്ക്

ശങ്കിച്ച്, പൊങ്ങിയും താണുമങ്ങിനെ..

പകൽമധ്യേ ക്രൂരമായ് തൊലിയുരിഞ്ഞൊ-

ഒരു പെണ്ണുടൽ.

നൈരാശ്യത്തിന്റെ കയറിൽ

കുരുങ്ങിപ്പോയൊരു കഴുത്ത്.

അനാഥമായൊരു ഹെൽമെറ്റിനെക്കാത്ത്

ചിതറിത്തെറിച്ചൊരു തല.

ഭ്രാന്തു പിടിച്ച പ്രണയം

ആസിഡൊഴുക്കിയ ഒരു-

മുഖവും മൂക്കും.

ഓക്സിജൻ തീർന്ന്

എന്റെ കൈയ്യിൽ മുഖം ചേർത്ത് 

തളർന്ന കണ്ണുകൾ ആഴത്തിൽ അടച്ച് 

നീ കിടക്കുമ്പോൾ

കേൾക്കാം,

ശലഭങ്ങളുടെ ചിറകടിയൊച്ച...

കാറ്റിൽ പരക്കും,

വെയിലത്തുണക്കി നീളത്തിൽ കൂട്ടികെട്ടിയ 

വെളുത്ത തൊട്ടിൽ തുണിയുടെ മണം...

മറുകൈയ്യാൽ നിന്റെ നനുത്ത മുടിയിൽ തലോടി

മുതുകിൽ തടവി

തുടയിൽ താളം കൊട്ടുമ്പോൾ

ഏതോ പുരാതന താരാട്ട് കേട്ടെന്ന പോലെ

നിന്റെ വിളർത്ത ഉടൽ ഉറക്കത്...