ചെറിയൊരടിയേ അടിച്ചുള്ളൂ.
ചെറിയ ഒരൊറ്റ അടി!
നിലത്ത് വീണ് ചത്തുപോയി !
ഞാൻ തോണ്ടി നോക്കി ,
വിളിച്ച് നോക്കി ,
അടിച്ച് നോക്കി ,
പിന്നേം പിന്നേം കൊന്ന് നോക്കി,
പിന്നേം പിന്നേം പിന്നേം
കേറിയിറങ്ങി നോക്കി ....
ഒക്കെ നോക്കി...
ചത്തതാ,
ചത്തത് തന്നെയാ..
അനക്കമില്ല,
മിടിപ്പുമില്ല,
പ്രാണൻ പറിയുമ്പോഴുള്ള ,
ലഹരി പിടിപ്പിച്ചിരുന്ന,
ആ നിലവിളിയുമില്ല !!
പണ്ടൊക്കെ,
എത്ര കാലേ വാരി നിലത്തടിച്ചതാ !
സിഗററ്റ് കുത്തിക്കെടുത്തിയതാ !
ചുമരിൽ തേമ്പിക്കൂട്ടിയതാ !
അന്നാെന്നും ചാകാത്തവള് !
അന്നൊന്നും ചത്തില്ലവള്.
ചാകാൻ മുട്ടി നിന്നതായിരിക്കണം.
അല്ലേൽ
സമയമടുത്തതായിരിക്കണം.
ആശ്വസിക്കാൻ
എല്ലാവർക്കും
ഓരോ കാരണങ്ങൾ !!
അല്ലേ ??
