ishai

നിനക്കു നീ തന്നെ

മൊഴിമാറ്റം: സന്ധ്യ എന്‍ പി

നിന്നില്‍ നീതന്നെ മതിമയങ്ങണം
നിനക്കു നീ തന്നെ
മിസ്കോളടിച്ചു രസിച്ചു കളിക്കണം
നിനക്കു നീ തന്നെ
ആശംസ നേരണം
നിനക്കു നീ തന്നെ
മറന്ന വസ്തുക്കളെ ഓര്‍മ്മപ്പെടുത്തണം
നിന്നെ നീ തന്നെ
പിന്നിലൂടെ വന്നു കെട്ടിപ്പിടിക്കണം
നിനക്കു നീ തന്നെ
നിലാവു കാണിക്കണം
നീ തന്നെ നിന്‍ കാതില്‍ കുശുകുശുക്കണം
നാലാമത്തെ റൗണ്ടില്‍
നിന്നെ നീ തന്നെ
ശകാരിച്ചടക്കണം
നിന്റെ കണ്ണിലുറന്ന നീര്
നിന്റെ നെഞ്ചില്‍ത്താന്‍ വീഴണം
നിന്റെ നെഞ്ചില്‍ത്താന്‍ വീഴണം ചോരയും.
നിന്റെ തലയറുത്ത്
നിന്റെ മടിയില്‍വെച്ച്
നീ തന്നെ മുടി കോതണം