gnanakkoothan

കാലം

മൊഴിമാറ്റം: പി രാമന്‍

തെരുവിൽ തെക്കുനിന്നു വടക്കോട്ടു
കാറ്റു വീശുന്നു.
ചെക് പോസ്റ്റിൽ തന്റെ പൊതി
കമഴ്ത്തിക്കാട്ടുന്ന യാത്രികനെപ്പോലെ
ബദാംമരങ്ങൾ ഇലയുതിർക്കുന്നു.
മാവിലകളുമുതിരുന്നു.
മാവിനും ഇതു തന്നെയോ ഉതിർക്കും കാലം?
മണ്ണിനടിയിൽ വേരുകൾ
കുളിരുതേടിപ്പോകുന്നു.
ഉണക്കിലകൾ തൂക്കിക്കൊണ്ടുപോയി
ഏതു കടയിൽ വിൽക്കും ഈ കാറ്റ്?
ഉണക്കിലകളെ എന്റെ മുന്നിൽ
ചക്രം കറക്കുന്നു കാലം.
ഞാൻ ചിരിക്കാതെന്തു ചെയ്യും!