sukirtharani

ആരെങ്കിലും ചോദിച്ചാല്‍

ചത്ത മാടിന്റെ തോലുരിക്കുമ്പോള്‍
കാക്കകളെ ആട്ടിയോടിക്കും

പെരുത്തുനേരം കാത്തുകിട്ടിയ
കൂലിച്ചോറു തിന്നുതീര്‍ത്ത്
വീട്ടുചുടുചോറെന്ന് കേമത്തം പറയും

തപ്പു കഴുത്തില്‍ തൂക്കി
അപ്പന്‍ തെരുവില്‍
എതിര്‍പെടുമ്പോള്‍
മുഖം മറച്ച് കടന്നുപോകും

അപ്പന്റെ തൊഴിലും ആണ്ടുവരുമാനവും
പറയാന്‍ വയ്യായ്കയാല്‍
വാധ്യാരുടെ തല്ലു വാങ്ങും

കൂട്ടുകാരികള്‍ ആരോരുമില്ലാതെ
പിന്‍നിരയില്‍ അമര്‍ന്നിരുന്ന്
ആരും കാണാതെ വിതുമ്പും

ഇപ്പോള്‍
ആരെങ്കിലും ചോദിച്ചാല്‍
തുറന്നടിക്കും:
ഞാനൊരു പറച്ചി.