കവിത വിചാരിച്ച്
ഗ്രോസറിയില്
സിഗരറ്റിനായി കാക്കുമ്പോള്
കാസര്കോട്ടുകാരന്
ചോദിച്ചു
നിങ്ങളുടെ
പെണ്ണുങ്ങള്
ഇവിടെയുണ്ടോ
ഉള്ളിലുള്ളവരെ
അപ്പടി
അയാള്
കണ്ടതാകുമോയെന്ന്
ഒന്നു ഞെട്ടി
പെണ്ണിലെ പലരിനെ
ഒറ്റവിളി കൊണ്ട്
അടയാളപ്പെടുത്തുന്ന
കാസര്കോട്ടുകാരന്
ഗ്രോസറിക്കാരാ
എന്നെയവിടെ നിര്ത്തൂ
നിങ്ങള്
കവിതയിലേക്ക് ചെല്ലൂ
........................................
മലബാറുകാരായ സാധാരണക്കാര് പെണ്ണ് എന്ന ഏകവചനത്തിനു പകരം പെണ്ണുങ്ങള് എന്നാണ്
പറയുക. ഗള്ഫില് വന്നതിന് ശേഷമാണ് അതു കൂടുതല് കേട്ടത്.
|
ഈ
കവിതയേക്കുറിച്ചുള്ള നിങ്ങളുടെ അഭിപ്രായം രേഖപ്പെടുത്താം......
